የገቢዎች ሚኒስቴር ከአንድ በላይ የንግድ ዘርፍ ለተሰማሩ ግብር ከፋዮች አዲስ የሂሳብ አያያዝ መመሪያ አወጣ

የገቢዎች ሚኒስቴር ከአንድ በላይ የንግድ መስክ ላይ ለተሰማሩ የደረጃ "ሀ" ግብር ከፋዮች ለእያንዳንዱ የንግድ ዘርፍ የተለየ የሂሳብ መዝገብ እንዲይዙ አሳሰበ። ይህ አሰራር በገቢ ግብር ማሻሻያ አዋጅ ቁጥር 1395/2017 መሰረት የሚተገበር ሲሆን፣ ግብር ከፋዮች ለእያንዳንዱ መስክ እና የተጠቃለለ ሪፖርት ማቅረብ ይኖርባቸዋል። አሰራሩን የሚያስተናግደው የSIGTAS ሲስተም እየበለፀገ በመሆኑ ሲስተሙ እስኪጠናቀቅ ድረስ በቅድሚያ ግብር የሚያሳውቁ ግብር ከፋዮች በማንዋል ቅጽ እንዲጠቀሙ ተጠይቋል። ሲስተሙ ስራ ላይ ሲውል በእጅ የሚሞሉ ማስታወቂያዎች ተቀባይነት እንደማይኖራቸው ሚኒስቴሩ ገልጿል።