Heyyamni Gabaasaa Gaazexeessitoota Rooyiters Itoophiyaa Keessaa Haaraomfame

Abbaan Taayitaa Miidiyaa Itoophiyaa heyyama gabaasaa gaazexeessitoota dhaabbata oduu idil-addunyaa Rooyiters kan ji'oota jahaf daangeffamee ture haaraomsuu beeksiseera. Murtiin kun kan dhufe Hoogganaa Abbaa Taayitichaa Haaymaanot Zelleqee fi Hoogganaa Edivtaraa Rooyiters Nik Taater fi Editaara Afriikaa Siilviyaa Alooyisii gidduutti marii taasifameen booda. Marii kana irratti gabaasawwan dhaabbatichi baatiiwwan torban darban keessa dabarse seera biyyattii fi naamusaa gaazexeessummaa kan cabsan ta'uu ibsameera. Hoogganoonni Rooyiters dogoggora uumameef dhiifama gaafachuun sirreeffama barbaachisu akka taasisan waadaa galaniiru. Dhaabbatichi walaba ta'uu fi seera ilee faayidaa biyyaalessaa Itoophiyaa kabajee akka hojjetu mirkaneesseera. Kana hordofuun abbaan taayitichaa heyyama gabaasaa dhaabbatichaa kan dhoowwamee ture akka haaraomfu murteesseera.