Zoonii Gondar Kaabaatti Jiggaa Lafaatiin Lubbuun Nam Tokkoo Dabree Namoonni 2,000 Ol Buqqa'an

Balaa jiggaa lafaa jabaa Zoonii Gondar Kaabaa Aanaa Talamt Ganda Gilbeetti mudateen lubbuun nama tokkoo yoo darbu, namoonni afur madaa'aniiru. Akka odeeffannoo aanaalichaatti, balaa kanaan maatiwwan 411 ta'an yookaan namoonni 2,000 ol qee'ee isaanii irraa buqqa'aniiru. Namoonni miidhaan irra ga'e dhaabbilee fayyaa aanaa sanaa keessatti yaalii argachaa jiru. Balaa kanaan manneen jireenyaa 26 guutummatti kan diigaman haa ta'u malee, beeyladootni 31is du'aniiru. Hawaasni dursanii gara wiirtuu gandaatti akka bu'an taasifamuun miidhaa lubbuu dabalataa ittisuun kan danda'ame ta'us, jiggaan lafaa sun ammas babal'achaa jira. Odeeffannoon balaa kanaa qaamolee mootummaa dhimmi ilaallatuuf kan ergame ta'us, namoota buqqa'aniif gargaarsi hatattamaa hanga amatti hin geessine.