Qajeelfamni kaffaltii yeroo dabalataa haaraa ogeessota fayyaa naannoo Amaaraa mirkanaa'e

Biiroon Fayyaa naannoo Amaaraa ogeessota fayyaa dhaabbilee mootummaa keessatti hojjetaniif qajeelfamni kaffaltii yeroo dabalataa (overtime) haaraan raggaasifamuu beeksiseera. Qajeelfamni kun Onkololeessa 2018 irraa jalqabee kan hojiirra oolu ta'ee, seerota fi qajeelfamoota kanaan dura turan kan bakka bu'uudha. Qajeelfamichi sa'aatii hojii fi guyyoota irratti hundaa'uun kaffaltiin dhibbeentaa 1.25 hanga 2.5tti akka lakka'amu taasiiseera. Bulchiinsi naannichaa qajeelfamichi kaffaltii darbe kan hin hammattuu jedhee murteessus, Waldaan Ogeessota Fayyaa Amaaraa kaffaltiin kanaan dura hin raawwatamne kaffalamuu qaba jechuun mormiisaa jira.