Gabaa Markaatoo Keessatti Balaan Abiddaa Qabeenya Irra Miidhaa Geessise

Magaalaa Finfinnee gabaa Markaatoo naannoo "Taasaa Teraa" jedhamutti balaan abiddaa ka'eera. Balaan kun sa'aatii galgala keessaa sa'a 1:00 eegalee mana kuusaa Uffata daldaltootaa irratti miidhaa geessiseera. Daldaltoonni naannichaa qabeenya isaanii abidda irraa oolchuuf sa'aatii hedduudhaaf carraaqqii guddaa taasisaniiru. Abiddichi sa'aatii muraasa booda kan dhaame ta'us, sababiin ka'umsa isaas ta'e hanga miidhaa qabeenya irra ga'ee waan ummataaf ibsame hin jiru. Balaa kana ilaalchisee odeeffannoon bal'aan qaamolee dhimmi ilaallatuun ammalee qoratamaa jira. Waggaa darbes gabaa Markaatoo naannoo "Shemaa Teraa" jedhamutti balaan abiddaa hammaataan ka'ee qabeenya irratti miidhaa guddaa geessisee akka ture ni yaadatama.