Inspekteroonni Galii Finfinnee Kaameraa Qaamaa Miliquun Mala Malaammaltummaa Haaraa Fayyadamaa Jiru

Waajjirri Galiiwwan Magaalaa Finfinnee malaammaltummaa inspekteroota galii irratti raawwatamu ittisuuf kaameraa qaamaan uffatamu hojiirra oolchuu isaatiin komiin fooyya'uu fi galiin dabaluu beeksiseera. Hata'u malee, qorannoon Gaazexaa Ripoorter akka agarsiisutti, inspekteroonni teknoloogii kana jallisuudhaan mala malaammaltummaa haaraa fayyadamaa jiru. Dhaabbattoonni daldalaa naannoo Boolee Medhaani'aalam, Garjii fi Karaalootti argaman akka jedhanitti, inspekteroonni uffata seeraa isaanii baasuun kaameraa dhaamsanii nyaata fi dhugaatii bilisaa fi gubboo gaafachuu aadaa godhataniiru. Kana malees, inspekteroonni odoo uffata seeraa hin uffatin akka maamila idileetti dhiyaachuun nagahee malee bitataniiru, erga ba'anii booda uffata seeraa fi kaameraa uffachuun deebi'anii 'nagahee malee gurgurtan' jechuun daldaltoota doorsisu. Waajjirichi daldaltoonni koodii eenyummaa inspekterootaa qabachuudhaan sarara bilisaa 7075 irratti iyyata isaanii akka dhiyeessan gaafatus, daldaltoonni garuu doorsisa fi hacuuccaa boodarra dhufula sodachuun iyyata dhiyeessuu irraa of qusatu.