ከ300 በላይ እስረኞች ዛሬ እንደሚፈቱ ተጠበቀ

ከ300 በላይ እስረኞች ዛሬ እንደሚፈቱ የተሰማ ሲሆን፣ ሂደቱ በኢትዮጵያ ሰብዓዊ መብቶች ኮሚሽን (ኢሰመኮ) አደራዳሪነት የሚከናወን ነው። ከታሰሩት 362 እስረኞች መካከል 24ቱ ብቻ በይቅርታ ለመፈታት የቀረበውን ቅድመ ሁኔታ ያልፈረሙ ሲሆን፣ አቶ ክርስቲያን ታደለ፣ ዶ/ር ካሳ ተሻገር እና ዶ/ር ጫኔ ከበደ ይፈታሉ ተብለው ከሚጠበቁት መካከል ይገኙበታል።

እስረኞቹ እንዲፈርሙ የተደረገው፣ ከእስር በኋላ ችግር ሊፈጥሩ ይችላሉ በሚል የመንግስት ስጋት ነው። መንግስት ክስ መቋረጥ ያለበትን እስረኞች በይቅርታ መፍታት የቻለው በወቅታዊ የፀጥታ ስጋቶች ምክንያት መሆኑ ተገልጿል። ሆኖም ጋዜጠኞች እና አንዳንድ የፖለቲካ ሰዎች በዚህ የይቅርታ ሂደት ውስጥ ያልተካተቱ መሆናቸው ታውቋል።