ከ600 በላይ ሰዎች ከእስር መፈታታቸውን ኢሰመኮ አስታወቀ

የኢትዮጵያ ሰብአዊ መብቶች ኮሚሽን (ኢሰመኮ) በዛሬው ዕለት ከ600 በላይ ሰዎች ከእስር መፈታታቸውን አስታውቋል። ኮሚሽኑ በላከልን መግለጫ እንዳስታወቀው፣ ይህ እርምጃ የተወሰደው ኮሚሽኑ ያቀረበውን ጥያቄ መሠረት በማድረግ ነው። ጠቅላይ ሚኒስትር ዐቢይ አሕመድ የሕግ የበላይነትን በጠበቀ መልኩ፣ ለሀገራዊ መግባባትና ለሰላም ሲባል የይቅርታና የክስ መቋረጥ ውሳኔዎች እንዲተላለፉ አቅጣጫ ሰጥተዋል።

ኢሰመኮ ይህንን ውሳኔ ለሀገራዊ መግባባትና ለዴሞክራሲ ግንባታ ጠቃሚ እርምጃ ነው በማለት አድንቋል። ኮሚሽኑ ከእስር ለተለቀቁት ሰዎች የመልሶ ማቋቋሚያ ድጋፍ እንዲደረግ ለመንግሥትና ለሲቪል ማኅበረሰብ ጥሪ አቅርቧል። በተጨማሪም፣ በትጥቅ ትግል የሚያምኑ ኃይሎች ወደ ሰላማዊ ድርድር እንዲመጡ ኮሚሽኑ አሳስቧል።