Dargaggoo Kuta Kaffalaa Aqaaqiitiif Leenjiin Ogummaa Hodhaa Uffataa Tolaa Qophaa'e

STEMpower'n Dhaabbata Misooma Immanu'eel (EDA) waliin ta'uudhaan piroojektii 'Windows of Hope' jedhamu jalatti leenjii ogummaa hodhaa uffata tolaa qophessee jira. Carraan leenjii kun dargaggoo kuta kaffalaa Aqaaqii keessa jiraataniif leenjii ogummaa fudhatanii carraa hojii mataa isaanii uumuuf fedha qabaniif kan qophaa'edha. Hirmaattotni leenjii kanaa dandeettii gochaa hodhaa uffataa, leenjii barnoota jireenyaa fi hubannoo uumsa hojii ni argatu. Leenjicha haala gaariin kan xumuran leenjitoonni waraqaa ragaa mirkaneessa dandeettii kan argatan ta'a. Akkasumas, leenjistoota dandeettii olaanaa agarsiisaniif meeshaan hodhaa uffataa badhaasaan ni kennamaaf. Leenjichi Wiirtuu Leenjii Aqaaqii kan Kolleejjii Pooliteekniikii Aqaaqii keessatti kan kennamu ta'a. Namoonni hirmaachuu fedhan sarara intarnetiitiin ykn qaamaan Waajjira Hojii fi Dandeettii Woreda 9, 10, 12 fi 13 deemuun galmaa'uu kan danda'an ta'ee, galmeen hanga Fuulbaana 08/2018 A.L.I tii kan turudha.