Barattoota Yaalaa Itiyoophiyaa Keessaa %90 Ol Leenjii Argatanitti Gammachuu Akka Hin Qabne Baankiin Addunyaa Beeksise

Gabaasa haarawa Baankii Addunyaa 'Public Workforce Performance and Prosperity' jedhuun barattoota yaalaa Itiyoophiyaa keessaa %90 ol leenjii argataniin akka hin gammadne beeksiseera. Mana barnoota yaalaa mootummaa keessatti baay'ina barattoota fudhataman dacha sadii hanga afuriitti dabaluun dandeettii dhaabbilee kanaa ol ta'uun hanqina qulqullinaa uumeera. Gabaasni kun akka ibsetti, eebbifamtoonni leenjii gahaa malee gara hojii qabatamaatti gadi dhiifamuun sirna heeyyamaa fi qulqullina mirkaneessuu irratti dhiibbaa uumeera. Dhaabbanni leenjii fi eeyyama kennu dandeettii fi teeknoolojii gahaa dhabuu isaatiin beekumsa qabatamaa caalaa beekumsa te'ooriitiif dursa akka kennu eerameera. Dabalataanis, gabaasni kun hojjettoota mootummaa Itiyoophiyaa keessaa dhibbeentaa 30 kan ta'an dorgommii dorgomaa ta'e malee gara hojiitti akka seenan ibseera. Akkasumas, hooggantoonni bulchiinsaa dhibbeentaa 29 ta'an dhaabbilee fayyaa fi barnoota waggaatti yeroo lamaa ol akka hin to'anne eerameera.