Obbo Isaayaas Jiraa Pirezidaantii Federeeshinii Kubbaa Miilaa Itoophiyaa Ta'uun Irra Deebiin Filataman

Federeeshiniin Kubbaa Miilaa Itoophiyaa (EFF) filannoo pirezidaantummaa geggeessameen Obbo Isaayaas Jiraa irra deebiin filamanii jiru. Obbo Isaayaas filannoo pirezidaantummaa kanaaf dorgomaa qofaa kan turan yoo ta'u, sagalee kennaman 88 keessaa sagalee 81 argachuun waggoota afran dhufaniif EFF tajaajiluuf filataman. Pirezidaantiin FIFA Giyaanii Infaantiinoos xumura filannoo kanaatiin booda bilbilaan ergaa baga gammaddanii erganiiru. Obbo Isaayaas Koree Hojii Raawwachiiftuu CAF fi FIFA keessattis shoora isaanii ba'achaa jiru. Filannoo kanaanis pirezidaantiin Federeeshinii Kubbaa Miilaa Dirre Dawaa Komishinar Alamuu Magraa Masqalee itti aanaa pirezidaantii EFF ta'uun filatamaniiru.