የባንክ ሂሳብን ከፋይዳ መታወቂያ ጋር የማስተሳሰሪያ ጊዜ ተራዘመ

የኢትዮጵያ ብሔራዊ ባንክ የባንክ ደንበኞች ሂሳባቸውን ከፋይዳ ብሔራዊ መታወቂያ ጋር የሚያስተሳስሩበትን ቀነ-ገደብ እስከ ጥቅምት 30 ቀን 2019 ዓ.ም ማራዘሙን አስታውቋል። ይህ ማራዘሚያ በ27 የከተማ አስተዳደሮች እና በሐረሪ ክልል ውጪ ለሚገኙ ደንበኞች ብቻ የሚመለከት ነው። በነዚህ ቀጠናዎች ቀደም ሲል የተሰጠው የሰኔ 30 ቀን 2018 ዓ.ም ቀነ-ገደብ ሳይቀየር መቆየቱን ባንኩ አረጋግጧል።

ባንኩ ይህን ውሳኔ ያሳለፈው በሀገሪቱ ያሉ አበይት ሁነቶችንና የእርሻ ወቅቱን ታሳቢ በማድረግ ነው። ቀነ-ገደቡን ያላለፉ ደንበኞች የሂሳብ እንቅስቃሴዎች ላይ የሚደረገው የ"No Debit" እርምጃ እንደቀጠለ ነው። በተጨማሪም ብሔራዊ ባንክ፣ ባንኮች ደንበኞችን እንዲያበረታቱና ስለ ፋይዳ መታወቂያ አስፈላጊነት የግንዛቤ ማስጨበጫ ሥራዎችን እንዲያከናውኑ አዟል። ይህ እርምጃ የደንበኞችን መረጃ የማወቅ (KYC/CDD) ሂደትን ለማጠናከር ያለመ ነው።