Japaan keessatti lakkoofsi namoota umriin isaanii waggaa 100 fi isaa ol ta'ee jalqabaaf 100,000 caale

Ministeerri Fayyaa Japaan lakkoofsi namoota umriin isaanii waggaa 100 fi isaa ol ta'ee biyyattii keessatti yeroo jalqabaatiif 100,000 caaluun 107,677 gahuu beeksiseera. Namoota umrii dheeraa kana jiraatan keessaa dhibbeentaan 88 dubartoota yoo ta'an, Fuyo Kishimoto umrii waggaa 114 magaalaa Kiyootoo keessa jiraattu dubartii umrii dheeraa qabdudha. Ministeerri Fayyaa Japaan Kenichiro Uno guddinni yaala fayyaa fi teeknoolojii guddina umrii kanaaf gumaachuu ibsanii, ogeessonnis soorata fayyaalessa fi sochii qaamaa wajjin walqabsiisaniiru. Bara 1963 keessa yeroo lakkoofsi namoota waggaa 100 jalqalamu namoota 153 qofatu ture. Haata'u malee, lakkoofsi daa'imman dhalatanii hir'achaa dhufuun bara darbe gara 1.14tti kan gadi bu'e yoo ta'u, namoonni umriin isaanii 65 fi isaa ol ta'an dhibbeentaa 30 uummata biyyattii uffatu. Bara 2070tti uummanni biyyattii gara miiliyoona 87tti gadi bu'a jedhamee kan eegamu yoo ta'u, kunis sirna wabii hawaasummaa biyyattii irratti qormaata guddaa uumaa jira.