Dhabamni Baafata Garbaa Waggaatti Doolaara Biiliyoona Hedduu Baasisaa Jira Jedhame

Hoogganaa Muummiin Geejiba Garbaa fi Loojistiiksii Itoophiyaa Injiinar Abdulbar Sheemsuu, gaaffiin Itoophiyaan baafata garbaa argachuuf dhiheessitu dhimma lubbuun jiraachuu fi guddina diinagdee waaraatiif murteessaa ta'uu ibsan. Tajaajila Oduu Itoophiyaatiif (ENA) akka ibsanitti, Itoophiyaan baafata garbaa dhabuun ishee waggaa waggaadhaan kaffaltii kireessuuወደብ gabaa alaatiif doolaara biiliyoona hedduu akka baastu gochaa jira. Dhabamni baafata garbaa kun sochii meeshaalee gara alaatti erguu fi gara biyyaatti galchuu irratti tursiisa uumuun diinagdee biyyaattii irratti dhiibbaa guddaa geessisaa tura. Kunis gaaffiin ummataa fi mootummaan Itoophiyaa mirga uumamaa, teessuma lafaa, istiraateejawaa fi seeraa baafata garbaa argachuuf dhiheessan sababa qabeessa ta'uu isaanii kan agarsiisudha jedhaniiru.