Obbo Geetinnat Warquu Sochii Politikaa Kamirraayyuu Of Qusachuu Beeksisan

Geggeessaan Paartii Enat fi Tumsa Tokkummaa Itoophiyaa Obbo Geetinnat Warquu sochii politikaa kamirraayyuu guutummatti of qusachuu isaanii beeksisaniiru. Obbo Geetinnat waggoottan jahan darban keessatti politikaa keessatti hirmaachuun sagalee warra roorrifamanii ta'uuf fi furmaata politikaa biyya keessaa fiduuf tattaaffii gochaa turuu isaanii ibsan. Dhiheenya kana mootummaa waliin gamoo duubaan marii murteessaa hidhamtoota politikaa hiisisuu, waraana dhaabuu fi baqattoota politikaa nagaan deebisuu irratti gochaa turuu isaanii eeraniiru. Akka isaaniitti, filannoo dura politikaa gadhiisuu kan barbaadan ta'us, dhimmi hidhamtoota politikaa gara duubatti akka hin deebineef yeroo xiqqoodhaaf turaniiru. Rakkooleen politikaa xaxamoon dabalaa waan dhufaniif fi maatii isaaniitiif yeroo kennuu waan barbaadaniif politikaa keessaa ba'uu murteessanii jiru.