Sa'udii Arabiyaatti hojiif erguun addaan citee jira jechuun odeeffannoon afarfamu soba ta'uu Ministeerri Beeksise

Ministeerri Hojiifi Ogummaa Itoophiyaa waliigaltee hojii Itoophiyaafi Sa'udii Arabiyaa ilaalchisee odeeffannoon adeemsi hojiif gara alaatti erguu addaan citeera jedhu soba ta'uu beeksiseera. Ministeerichi odeeffannoon Sirni Odeeffannoo Gabaa Hojii cufameeraa fi lammiileen hojiif ergamaa hin jiran jedhu guutummatti bu'uura kan hin qabne ta'uu ibseera. Sa'udii Arabiyaan sirna hojii alaa Itoophiyaa to'atamu keessatti biyya kaayyoo ijoo fi michuu waaltinaa ta'uun itti fufuusaa ministeerichi eereera. Dhaabbileen qacarrii eeyyama qabanis adeemsa kana keessatti qaama gargar hin baane ta'anii itti fufuun isaanii eerameera. Ministeerichi hanqinaalee fi rakkoolee adeemsa hojii keessatti mul'atan qaamolee mootummaa dhimmi ilaallatu waliin ta'uun sirreessaa akka jiru ibseera. Adeemsi hojiif gara alaatti erguu seeraawaa ta'e Sirna Odeeffannoo Gabaa Hojiitiin nagaana kan itti fufu ta'uu hubachiiseera. Dhumarrattis, lammiileen odeeffannoo dogoggoraatiin akka hin burjaajofne hubachiisuun, qaamolee odeeffannoo sobaa facaasan irratti tarkaanfii seeraa fudachuuf qophaa'aa jiraachuu beeksiseera.