Kalee Boyyeerraa Jeneetikiidhaan Fooyya'ee Namatti Dhaabame Guyyoota 271'f Hojjete

Ameerikaatti kaleen boyyee jeneetikiidhaan fooyya'e tokko dhukkubsataa namaa keessatti guyyoota 271f hojjechuudhaan galmee yeroo dheeraa haaraa galmeessiseera. Namni umrii 66 Tiim Andruus jedhamu sababa dhukkuba kaleetiin waldhaansa diyaaliisiis fudhachaa kan ture yoo ta'u, kaleen boyyee kun erga dhaabameefii booda battalatti hojjechuu eagale. Qaamni namaa organii sana akka waan ormaatti ilaalee akka hin diangilleef saayintistonni fooyya'iinsa jeneetiksii 69 boyyee sana irratti taasisaniiru. Kaleen boyyee kun guyyoota 271f erga hojjetee booda kan irraa fuudhame yoo ta'u, Andruus guyyoota 82f gara diyaaliisiisitti deebi'ee ture. Boodarras kalee arjoomaa namaarraa argameen bakka bu'ee ammma haala gaarii irra jira. Qorannoon kun ammaan tana namoota arjooma kalee namaa eeggataniif akka furmaata yerootti fayyaduuf abdiin irratti godhameera.