Ayyaanni Giifataan Erga Yuneeskoon Galmeeffamee Booda Yeroo Jalqabaaf Kabajame

Ayyaanni bara haaraa uummata Wolayittaa kan ta'e 'Giifataan' magaalaa Wolayittaa Sooddootti bifa oo'aa ta'een kabajamee xumurameera. Ayyaanni baranaa kun erga Dhaabbata Yuneeskootiin dhiaddaa aadaa hin qaqqabamne addunyaa ta'ee galmeeffamee booda yeroo jalqabaaf kan kabajame ta'uun isaati. Ajajaan Poolisii Zoonii Wolayittaa Komaandariin Nigaatuu Geetaachoo Tikvaah Itoophiyaaf akka ibsanitti, ayyaanichi nagaan kabajamee xumurameera. Sirni xumura ayyaanichaa kan 'Guliiyaa' jedhamu galgala kana kan raawwatame yoo ta'u, hirmaattonis nagaan gara qe'ee isaaniitti deebi'aniiru. Komaandar Nigaatuun qaamolee nageenyaa fi jiraattota magaalaa Wolayittaa Sooddoo ayyaanichi nagaan akka xumuramuuf gumaacha taasisaniif galata dhiyeessaniiru. Sirni waltajjii dirree xumuramus, guyyoota itti aananitti wal-gaafannaa maatii fi sirna aadaa adda addaatiin ayyaaneffannaan kun kan devamuu ta'uun ibsameera.