Leenjiin Oomisha Gogaa Biliisaa Dargaggoota Kutaa Magaalaa Aqaaqii Qaallittiitiif Qophaa'e

Kutaa Magaalaa Aqaaqii Qaallittiitti dargaggootaaf leenjiin oomisha gogaa fi bu'aawwan gogaa irratti xiyyeeffate bilisaan qophaa'eera. Pirojektiin 'Windows of Hope' jedhamu kun Dhaabbata Duka Youth-Led fi Redeem the Generation deeggarsa Maasteerkard Faawundeeshiniin walta'iinsa Dhaabbata Misooma Amaanu'el waliin kan qopheessaniidha. Leenjiin kun dargaggoota umuriin isaanii 18 hanga 35 ta'anii fi waraqaa eenyummaa kutaa magaalichaa qabaniif kan kennamu dha. Leenjichi Kolleejjii Pooliteeknika Aqaaqiitti kan kennamu yoo ta'u, leenjii shaakalaa, dandeettii jireenyaa fi uumama hojii kan hammatuudha. Dargaggootni leenjicha xumuran waraqaa ragaa COC, iddoo hojii, maashinaa fi eeyyama daldalaa argachuun gara hojiitti akka seenan deeggarsi guutuun kan taasifamuuf ta'a.