በመቐለና ዓዲግራት የጦርነት ስጋት ነዋሪዎችን እያሳሰበ ነው

በመቐለ እና ዓዲግራት ከተሞች ነዋሪዎች ዳግም ሊቀሰቀስ ይችላል በሚል የጦርነት ስጋት የምግብ እና መሰረታዊ እቃዎች በብዛት እየሸመቱ መሆናቸውን ሮይተርስ ዘገበ። ነዋሪዎቹ ባለፈው ጦርነት የነበረው ሁኔታ ሊደገም ይችላል በሚል ስጋት የተሞሉ ሲሆን፣ በከተሞቹ የፀጥታ አካላት እንቅስቃሴ እና የድሮን ድምፅ እንደሚሰማ ተናግረዋል።

በዓዲግራት የሱቆች መደርደሪያዎች ባዶ እየሆኑ መሆናቸውን እና የአስፈላጊ መድኃኒቶች እጥረት እንዲሁም ከፍተኛ የዋጋ ንረት መኖሩን ነዋሪዎች ገልጸዋል። በተጨማሪም ወጣቶች በግዴታ ወደ ጦርነት እንዲቀላቀሉ እየተደረገ መሆኑ በህዝቡ ዘንድ ከፍተኛ ስጋት መፍጠሩ ተጠቁሟል።