Abbaan Obbo Geetaachoo Reddaa, Obbo Reddaa Kahsaay Umrii 93tti Du'aan Boqotan

Abbaan Preezidaantii Yeroo naannoo Tigraay kan turee fi Gorsaa Muummee Ministiraa dhimmoota Baha Afrikaa ammaa Obbo Geetaachoo Reddaa kan ta'an Obbo Reddaa Kahsaay umrii isaanii 93tti du'aan boqochuun isaanii ibsameera. Obbo Reddaa Kahsaay dhukkubaan kan ka'e fuulbaana 17 magaalaa Alaamaaxaatti boqochuu isaanii maatii fi hiriyoota isaanii irraa odeeffannoo argameen mirkanaa'eera. Obbo Reddaa Kahsaay Obbo Geetaachoo Reddaa dabalatee ijoollee dhiiraa 4 fi dubara 5 walumaagalatti ijoollee 9 kan horan ta'uun eerameera. Du'a isaanii ilaalchisee odeeffannoon sirna awwaalchaa hin ibsamne.