Finfinneetti Komiin Dogoggora Yaalaa Dabaluun fi Ogeeyyonni Fayyaa 31 Itti Gaafatamuun Ibame

Abbaan Taayitaa Nyaataa fi Qoricha Bulchiinsa Magaalaa Finfinnee komiin dogoggora yaalaa keessatti balaa du'aa fi miidhaa qaamaa geessisan dabalaa dhufuu beeksiseera. Akka dairektarri hordoffii seeraa fi naamusaa obbo Mitkiil Gebremadhin jedhanitti, dogoggora yaalaan walqabatee komiin 42 dhiyaateera. Komiiwwan dhiyaatan kunniin yaala daa'immanii, haadholiitiif, yaala ilkaanii, ijaa fi dahumsaa irratti kan raawwataman ta'uu ibsameera. Qorannoo taasifameen ogeeyyonni fayyaa 31 itti gaafatamaa kan ta'an yoo ta'u, isaan keessas dooktoroonni 9, nursoonni 14, deessistonni 3, ogeeyyonni fayyaa 3, anasteetistiin 1 fi ogeessi baqaqsanii yaaluu 1 keessatti argamu. Akka kaniitiin ogeeyyota 30 irratti eeyyamni hojii ji'a 1 hanga ji'a 14tti kan dhorkame yoo ta'u, ogeessa tokkorratti akeekkachiisni barreeffamaa kennameera.