የአሜሪካ ጦር በኢራቅ ከሚገኙ የመጨረሻ የጦር ሠፈሮቹ ሙሉ በሙሉ ሊወጣ ነው

የአሜሪካ ጦር እስከ ነገ ሮቡዕ ድረስ በኢራቅ ከሚገኙ የመጨረሻ የጦር ሠፈሮቹ ሙሉ በሙሉ ለመውጣት መዘጋጀቱ ተገልጿል። ይህ ውሳኔ በኢራን እና በሀገሪቱ በሚደገፉ ታጣቂ ቡድኖች ዘንድ እንደ ትልቅ ስትራቴጂካዊ ድል እና የአሜሪካ ፕሮጀክት መክሸፍ ተቆጥሯል። የደህንነት ተንታኞች የአሜሪካ ጦር መውጣት ለቴህራን ሰፊ የመንቀሳቀስ ነፃነትን በመስጠት የፖለቲካ እና የደህንነት ተጽዕኖዋን እንደሚያጠናክርላት እንዲሁም እንደ አይኤስ ያሉ አክራሪ ቡድኖች ዳግም እንዲያንሰራሩ በር ሊከፍት እንደሚችል ጠቁመዋል። አሜሪካ በ2003 ኢራቅን ከወረረች ወዲህ ባለፉት ከሁለት አስርት ዓመታት በላይ ከ4,500 በላይ ወታደሮቿን አጥታለች።