የኢሕአፓ አባላት የዋስትና ጉዳይ ውሳኔ አሁንም ተራዘመ

በሽብር ወንጀል ተጠርጥረው በእስር ላይ የሚገኙት የኢሕአፓ አባላት የዋስትና ጉዳይ ውሳኔ ሳይሰጥበት ለዓርብ ተቀጠረ። የፌደራል ጠቅላይ ፍርድ ቤት የስር ፍርድ ቤት የፈቀደውን ዋስትና መርምሮ ውሳኔ ለመስጠት ሰነዱን በመጠየቅ ቀጠሮውን ማራዘሙ ተገልጿል። ተጠርጣሪዎቹ አቶ ይስሓቅ ወልዳይ፣ አቶ አበበ አካሉ እና ጠበቃ አቶ አበራ ንጉሥ ሲሆኑ፣ ከዚህ ቀደም በዳኞች መቀያየር ምክንያት የዋስትና አቤቱታቸው ሲራዘም ቆይቷል። ፖሊስ ይግባኝ በማለቱ ምክንያት ተጠርጣሪዎቹ እስካሁን ከ25 ቀናት በላይ በእስር ላይ ይገኛሉ። ፍርድ ቤቱ ሰነዶችን መርምሮ በቀጣይ ዓርብ ብያኔ ለመስጠት ቀጠሮ ሰጥቷል።