አዲስ አበባ ፖሊስ ሁለት ሲኖትራክ ተሽከርካሪዎችን የሰረቁ ተጠርጣሪዎችን በቁጥጥር ስር ማዋሉን ገለጸ

የአዲስ አበባ ፖሊስ በለሚ ኩራ ክፍለ ከተማ ሰሚት ኮንዶሚኒየም አካባቢ ከቆሙበት ቦታ ሁለት ሲኖትራክ ተሽከርካሪዎችን ሰርቀው ያመለጡ ሶስት ተጠርጣሪዎችን በቁጥጥር ስር ማዋሉን አስታወቀ። ተጠርጣሪዎቹ ኢብራሂም የኑስ፣ ነጅመድን ሬድዋን እና ኑረዲን በርጌቾ የተባሉ ሲሆን በሸገር ከተማ አንፎ አደባባይ አካባቢ ተይዘዋል። ፖሊስ ከተጠርጣሪዎቹ ጋር ለወንጀል ድርጊት የተጠቀሙበትን ራቭ4 ተሽከርካሪ፣ ልዩ ልዩ የሰሌዳ ቁጥሮች እና ቁልፎችን መያዙን ገልጿል። በተጨማሪም የፓርኪንግ ቦታዎች ተያዥ ያለው ጥበቃ እንዲቀጥሩና ባለቤቶችም ጂፒኤስ (GPS) እንዲያስገጥሙ ፖሊስ አሳስቧል።