Doktoor Masay Haayiluu Pireezdaantii Naannoo Sidaamaa Ta'uun Muudaman

Doktoor Masay Haayiluu Pireezdaantii Naannoo Sidaamaa ta'uun muudamaniiru. Muudamni isaanii kan beekame yaa'ii hundeeffama mootummaa manni maree naannichaa gaggeessaa jiru irratti. Doktoor Masay muudama kana dura Hoogganaa Ol'aanaa Instityuutii Fayyaa Hawaasaa Itoophiyaa ta'anii tajaajilaa turan. Isaanis obbo Dastaa Leedaamoo bakka bu'uun hojii kana kan fudhatan ta'a. Obbo Dastaa Leedaamoo erga naannichi riifireendamiin hundaa'ee as pireezdaantii naannichaa jalqabaa ta'uun tajaajilaa turaniiru.