Dr. Abiy Ahimad Ammas Murni Muummee Ministeeraa Ta'uun Filataman; Ahimad Shide Yuuba Caffee Ta'an

Miseensonni seera baastoota federaalaa Itoophiyaa Wixata, Onkololeessa 5, 2026 ti pirezidaantii Paartii Badhaadhinaa kan ta'an Dr. Abiy Ahimad ammas irra deebiin Muummee Ministeeraa gochuun waggaa shan dabalataaf filataniiru. Dr. Abiy angoarra turmaata waggaa saddetii ol booda filannoo kanatti kan darbaniidha. Filannoon kun kan raawwatame walgahii jalqabaa mana maree seera baastoota federaalaa ilaalchisee adeemsifame irratti. Dr. Abiy mana maree haaraaf haasaa jalqabaa taasisaniin, heera mootummaa haaraa qopheessuun hojii xiyyeeffannoo isaanii jalqabaa ta'uu ibsuun fuulduratti akka irratti hojjetan eeraniiru. Walgahii kana irratti manni marichaa hoogganoota isaa haaraas filateera. Ministeerri Maallaqaa ture Ahimad Shide Yuuba Caffee (Af-yaa'ii) ta'uun filatamuun Taagase Caafoi kan bara 2018 irraa eegalee tajaajilaa ture bakkabu'aniiru. Dabalataanis, Aayyalech Eshete, ministeera deetaa Barnootaa kan turan, Lomi Baddoo waggoottan shaniif tajaajilaa turan bakka bu'uun Aboo Af-yaa'ii Iggitii ta'uun filatamtaniirti.