Bulchiinsi Magaalaa Finfinnee Aangoowwan Damee Fayyaa Biiroo Fayyaatti dabarse

Manni Maree Magaalaa Finfinnee aangoowwan qaamolee mootummaa magaalichaa irratti fooyya'iinsa godheera. Fooyya'iinsa kana hordofee, hayyama hojii dhaabbilee fayyaa kennuu fi haaromsuun, akkasumas hayyama ogummaa ogeeyyota fayyaa kennuun gara Biiroo Fayyaatti darbeera. Dabalataanis, dhimmoota dogoggora yaalaa fi naamusni ogeeyyota fayyaa hordofuu gara Biiroo Fayyaatti dabarfameera. Jijjiiramni kun tajaajila fayyaa magaalicha keessatti kennamu sirnaa'aa fi qulqullina qabu gochuuf kan yaadame dha.