የኢትዮጵያ ሴኩሪቲስ ልውውጥ (ESX) የትርፍ ድርሻ አከፋፈል እና የሒሳብ ዘመን ማጠቃለያ ላይ ማብራሪያ ሰጠ

የኢትዮጵያ ሴኩሪቲስ ልውውጥ (ESX) ዋና ስራ አስፈፃሚ የሆኑት የድነት ካሳ፣ በዘመናዊ የአክሲዮን ገበያ የትርፍ ድርሻ አከፋፈል ላይ የጊዜ ገደብ አሰላል አሰራርን በተመለከተ ማብራሪያ ሰጥተዋል። ዋና ስራ አስፈፃሚዋ እንዳሉት፣ በወራት እና ቀናት ላይ የተመሰረተ የትርፍ ድርሻ ስሌት በዘመናዊ የገበያ ስርአት ውስጥ ተግባራዊ ሊሆን አይችልም። ለዚህም የሒሳብ ዘመን ማጠቃለያ የሆነውን ሰኔ 30ን እንደ መቁረጫ ቀን መጠቀም ወይም ኦዲት የተደረገ የሒሳብ መግለጫ ሲወጣ የሚወሰንበትን አማራጭ እንደ መፍትሄ አስቀምጠዋል። በሌላ በኩል ባለፉት አምስት የስራ ቀናት ውስጥ ብቻ 75,620 የአክሲዮን ድርሻዎች የተገበያዩ ሲሆን፣ አጠቃላይ ዋጋቸው ከ150.53 ሚሊዮን ብር በላይ መድረሱ ተገልጿል።