ESX dhimma kaffaltii qooda faayidaa fi guyyaa murtee waggaa faayinaansii irratti ibsa kenne

Hooggantuun Olaantuun ESX Yodit Kaassaa, dhimma kaffaltii qooda faayidaa fi guyyaa murtee waggaa faayinaansii irratti ibsa kennaniiru. Akka isaan jedhanitti, herregni kaffaltii qooda faayidaa guyyootaa fi ji'ootaan shallagamu gabaa aksiyoonaa ammayyaa keessatti hojiirra ooluu hin danda'u. Kanaafuu, guyyaan cufiinsa waggaa faayinaansii (Waxabajjii 30) ykn guyyaan ibsi faayinaansii erga qulqullaa'ee booda ifa ta'u akka filannootti dhihaateera. Gama biraatiin, guyyoota hojii shanan darban keessatti aksiyoononni 75,620 kan gurguraman yoo ta'u, gatiin isaanii Birrii miliyoona 150.53 ol akka ta'e ibsameera.