Magaalaa Nagellee Booranaatti Dhukaasa Poolisii Federaalaatiin Namni Tokko Ajjeefamee Ja'a Madaa'an

Oromiyaa Godina Booranaa magaalaa Nagellee Booranaa ganda Goobichaatti dhukaasa poolisiin federaalaa ummata irratti dooteen namni tokko ajjeefamee ja'a madaa'aniiru. Namni ajjeefame dargaggoo umrii 17 Murtii Issaaq Alii Duubaa kan jedhamu yoo ta'u, battaluma sanatti lubbuun installs dhabamuu jiraattotni ibsaniiru. Poolisiin dhukaasa kana kan bante daldaltoota seeraan ala irratti tarkaanfii fudhachuuf haala ture keessattidha jedhameera. Namoota madaa'an ja'an keessaa takka dubartii Aaminaa jedhamtu yoo taatu, akkuma ijoollee akkoo ishee gara mana barumsaatti geessaa turteen dhukaasni irratti banamee balaa cimaan irra gahuun gabaasameera. Aaminaan sababa miidhaa cimaa irra gaheen gara Hospitaala Reefeeraala Hawaasaatti fooyya'iinsa waldhaansaaf geeffamtee jirti.