ኣብ ነገሌ ቦረና ብተኹሲ ፌደራል ፖሊስ ሓደ ሰብ ተቐቲሉ፡ ሹድሽተ ቆሲሎም

ኣብ ክልል ኦሮሚያ ዞን ቦረና ኣብ ዝርከብ ከተማ ነገሌ ቦረና ክፍለ ከተማ ጉቢቻ ብዝተኸፈተ ተኹሲ ፌደራል ፖሊስ ወዲ 17 ዓመት መንእሰይ ክቕተል እንከሎ ብውሑዱ ሹድሽተ ሰባት ቆሲሎም። እቶም ፖሊስ ነቲ ተኹሲ ዝኸፈቱ ኣብ ልዕሊ ዘይሕጋውያን ነጋዶ ስጉምቲ ኣብ ዝወስዱሉ ዝነበሩ እዋን ምዃኑ ተገሊፁ። እቲ ብኡንብኡ ዝተቐትለ መንእሰይ ሙርቲ ኢሳቕ ዓሊ ዱባ ተባሂሉ ብነበርቲ ተለልዩ ኣሎ። ካብቶም ዝቖሰሉ ሹድሽተ ሰባት እታ ሓንቲ ኣሚና ዝተበሃለት ኣዴንጎ ኾይና፡ ነቶም ደቂ ደቃ ናብ ትምህርቲ ቤት ኣብ ዘበፅሓሉ ዝነበራ እዋን ብዝበፅሓ ፅንኩር ጉዳኣት ናብ ሆስፒታል ሪፈራል ሓዋሳ ተመሓላሊፋ ኣላ።