Itoophiyaan biyyoota gabbisa biyyee Raashiyaa irraa bitan keessaa sadarkaa sadaffaarratti argamti

Itoophiyaan biyyoota gabbisa biyyee (fertilizer) Raashiyaa irraa bitan keessaa addunyaarratti sadarkaa sadaffaarratti argamuu ishee Ambaasaaddarri Raashiyaa Itoophiyaatti argaman Yevgeni Terekiin ibsaniiru. Kunis kan ta'e biyyattii keessatti fedhii 'diammonium phosphate' (DAP) irratti qabdu olka'aa ta'uu irraan kan ka'e dha. Ambaasaaddarichi ragaa kana kan ibsan gabaasa ejansii oduu mootummaa Raashiyaa 'TASS' tiif ergaa dabarsaniini. Kunis hariiroo daldalaalee biyyoota lamaanii kan gabbisu ta'uu ibsameera.