የኢትዮጵያ ባህር ኃይል የክልላዊ የባህር ላይ ስልጠና መድረክን በአዲስ አበባ እያስተናገደ ነው

የኢትዮጵያ ባህር ኃይል በአዲስ አበባ ለተከታታይ አራት ቀናት የሚቆይ ክልላዊ የባህር ላይ ስልጠና እና ምክክር መድረክ እያስተናገደ ነው። በመድረኩ ላይ ከየመን፣ ኦማን፣ ጅቡቲ፣ ሶማሌላንድ እና ፑንትላንድ የተውጣጡ የባህር ኃይል አዛዦች ተገኝተዋል። የባህር ኃይሉ የኮማንድ ፖስት ኃላፊ እና ምክትል አድሚራል ክንዱ ገዙ በስፍራው በመገኘት መድረኩን በይፋ ከፍተዋል። ምክትል አድሚራሉ በንግግራቸው የኤደን ባሕረ ሰላጤን፣ የቀይ ባሕርን እና የምዕራብ ሕንድ ውቅያኖስን ደህንነትና ትብብር በተመለከተ የባህር ኃይሉ ያለውን ስትራቴጂያዊ እቅድ አንስተዋል። የውይይቱ ዋና ትኩረት በክልሉ የባህር ላይ ደህንነት እና በሀገራት መካከል ያለውን የትብብር ስራ ማጠናከር ላይ ነው።