Haleellaa naannoolee garaagaraatti geggeeffameen namoonni hedduu ajjeefaman

Torbaan darbe keessa naannoolee garaagaraa Itoophiyaatti walitti bu'iinsa fi haleellaa geggeeffameen lubbuun namoota hedduu darbeera. Naannoo Oromiyaa, godina Horro Guduruu Wallaggaatti, warshaar shukkaaraa Finca’aa irratti haleellaa hidhattootaan geggeeffameen hojjettootaa fi qaamolee nageenyaa walii gala saddeet ajjeefamaniiru. Gama biraatiin, godina Arsii, aanaa Martii keessatti haleellaa raawwatameen namoonni 14 ol ajjeefamuun, magaalaa Moyyaaleetti walitti bu'iinsa uumameen namoonni sagal du'aniiru.

Kana malees, naannoo Itoophiyaa Kibbaa, godina Burjii fi Koree keessatti haleellaa raawwatameen qonnaan bulaa dabalatee namoonni saddeet ajjeefamuu jiraattonni fi bulchiisni naannoo beeksisaniiru. Haleellaawwan kunneen qe’ee irraa buqqisuu fi qabeenya barbadeessuu kan hordofsise yoo ta’u, haalli nageenyaa iddoowwan kanneenii yaaddessaa ta’uu maddeen ibsaniiru.