Tumsi Hidhattoota Torbaa WBO, TPLF fi Faannoo Hammate Wal-dhabdee Siyaasaa Kaase

Tumsi hidhattoota torbaa Waraana Bilisummaa Oromo (WBO), TPLF fi Faannoo dabalate mootummaa MM Abiy Ahmad aangoorraa fonqolchuuf "Wal-ta'iinsa Ofbaraaruu" jedhu hundeessuu isaanii beeksisaniiru. Tumsi kun hawaasa Oromoo fi xinxaltoota siyaasaa biratti deeggersa fi mormii bal'aa kaasee jira. Dr. Milkeessaa Miidhagaa mootummaan karaa nagaa waan cufeef tumsi kun barbaachisaa dha jedhanii yoo deeggaran, Dr. Girmaa Guutamaa immoo tumsi kun waliigaltee siyaasaa sirrii waan hin qabneef amansiisaa miti jedhanii mormu. Gama WBO'tin gorsaan Ajajaa Olaanaa Obbo Jireenyaa Guddataa tumsi kun kan waraanaa malee kan siyaasaa akka hin taane fi kaayyoon Oromoo akka hin sharafamne ibsaniiru.