Humnootni Mootummaa Federaalaa fi Nagaa Tigraayi Maqalee Seenuu Hordofee Tasgabbiin Uumame

Humnootni mootummaa federaalaa fi humnootni nagaa Tigraayi magaala Maqalee seenuu isaanii hordofee magaalotni Maqalee, Aksumii fi Maayicew haala tasgabbii keessa jiraachuu jiraattonni ibsan. Humnootni TPLF magaala Maqalee gadhiisanii erga bahaniin booda kutaalee adda addaatti saamichi kan raawwatame yoo ta'u, namootni hidhaarraa gadhiifamanis saamicha kana keessatti hirmaachuun isaanii eerameera. Tajaajilli interneetii fi baankii torban lamaaf adda citee kan ture yoo ta'u, erga humnootni waraanaa seenaniin booda tajaajilli bilbilaa fi daddabarsa maallaqaa deebi'ee jira. Sochiin tiraafikaa fi baajaajii idileetti kan deebi'e yoo ta'u, dhaabbileen daldalaa gurguddoon akka faarmaasii fi supparmaarkeetii garuu yaaddoo saamichaatiin cufamanii jiru. Jiraattonni haalli nagaa fi tasgabbii jiraachuu himaniis, fuulduraatti maaltu mudachuu danda'a kan jedhurratti yaaddoo qabaachuu dubbatu.