የፌደራል ሰራዊት እና የትግራይ የሰላም ኃይሎች መቀሌ መግባታቸውን ተከተሎ በከተሞች መረጋጋት ሰፍኗል

የፌደራል መንግስት ሰራዊት እና የትግራይ የሰላም ኃይሎች ወደ መቀሌ መግባታቸውን ተከተሎ በመቀሌ፣ አክሱምና ማይጨው ከተሞች መረጋጋት መኖሩን ነዋሪዎች ገለጹ። ሕወሓት ከከተማዋ ከወጣ በኋላ በባንክ፣ በስልክና በኢንተርኔት አገልግሎት መቋረጥ ሳቢያ ችግሮች ቢፈጠሩም አሁን ላይ የስልክ እና የገንዘብ ዝውውር አገልግሎቶች ተመልሰዋል። ሰራዊቱ መቀሌ ከመግባቱ በፊት የታሰሩ ሰዎች ተፈተው በነበረበት ወቅት በንግድ ድርጅቶችና የመንግስት መስሪያ ቤቶች ላይ ዘረፋ ተካሂዶ ነበር። በአሁኑ ወቅት የትራፊክና የባጃጅ ትራንስፖርት እንቅስቃሴ የተመለሰ ቢሆንም አንዳንድ ትላልቅ የንግድ ተቋማት በስጋት ምክኒያት አልተከፈቱም።