Miseensota kaabineesaanii Abiy Ahimadfi hirmaannaa dubartootaa

Ministirri Mummee Abiy Ahimad miseensota kaabineesaanii 22 Mana Maree Bakka Bu'oota Uummataaf dhiyeessanii raggaasisiisaniiru. Ministiroota muudaman kana keessaa sagal ykn dhibbeentaa 41 dubartoota. Ogeettiin seeraa Aadde Bileen Asraat muudamni kun fakkeessuuf kan taasifame osoo hintaane, dandeettiifi gahumsa irratti kan hundaa'e ta'uu himaniiru. Dubartoonni kun dameelee ijoo kan akka maallaqaafi fayyaa hoogganuunsaanii milkaa'ina biyyaaf barbaachisaadha jedhaniiru. Akka Bileen jedhanitti, Itoophiyaa keessatti amantii hawaasaafi seeronni duraan turan hirmaannaa dubartootaa daangessaa turanis, haalli amma jiru jijjiirama agarsiisaa jira. Ministiroonni haaraa kun qulqullummaan tajaajiluu qabu jedhan.