ሓድሽ ካቢነ ቀዳማይ ሚኒስትር ኣብይን ተሳትፎ ደቂ ኣንስትዮን

ቀዳማይ ሚኒስትር ኣቢይ ኣህመድ ዘቕረብዎም 22 ኣባላት ካቢነ ብፓርላማ ተገዲፎም ኣለዉ። ካብዚኦም ትሽዓተ ደቂ ኣንስትዮ ኮይነን፡ ብጠቕላላ 41 ሚእታዊት ይሽፍና። ሰብ ሞያ ሕጊ ቢሌን ኣስራት ኣብ ዝሃብኦ ሪኢቶ፡ እዚ ሹመት እዚ ንለውጢ ዘመላኽት ኮይኑ፡ ደቂ ኣንስትዮ ኣብ ዓበይቲ ትካላት መንግስቲ ከም ፋይናንስን ፍትሕን ከም ዝተሸማ እቲ ትካላት ንምምራሕ ዓቕሚ ከም ዘለወን ዘረጋገፀ እዩ ኢለን። ከም ቢሌን ገለፃ፡ ኣብ ኢትዮጵያ ንደቂ ኣንስትዮ ዝነበረ ኣሉታዊ ኣመለኻኽታ ይቕየር እኳ እንተሎ፡ ሓያሎ ብድሆታት ግን ገና ኣለዉ። እተን ሓደሽቲ ሚኒስትራት ብብቕዓትን ሓላፍነትን ክሰርሓ ከም ዝግባእ ኣተሓሳሲበን።