አትሌት ትዕግስት አሰፋ በበርሊን ማራቶን ላይ ባጋጠማት ጉዳት ቀዶ ጥገና ተደረገላት

በበርሊን ማራቶን የዓለምን ክብረ ወሰን ለመስበር ስትሮጥ የነበረችው አትሌት ትዕግስት አሰፋ በደረሰባት ከፍተኛ የእግር ጉዳት ምክኒያት ቀዶ ጥገና ተደርጎላታል። አሰልጣኝ ገመዱ ደደፎ እንደገለጹት፤ ትዕግስት ውድድሩ ለማጠናቀቅ ሁለት ኪሎሜትር ብቻ ሲቀራት የቀኝ እግሯ ጅማት ተበጥሷል። ቢሆንም ግን ጽናቷን በማሳየት 2 ሰዓት ከ11 ደቂቃ ከ04 ሴኮንድ በሆነ ጊዜ ውድድሩን አጠናቃለች። በአሁኑ ወቅት የህክምና ወጪዋ በስፖንሰሯ አዲዳስ እየተሸፈነ እንደሚገኝና ወደ ልምምድ ለመመለስ የሶስት ወራት ጊዜ ሊወስድባት እንደሚችል ተገልጿል።