በሻሸመኔ የስድስት ወር ህፃንን የገደለችው የቤት ሰራተኛ በ25 ዓመት ፅኑ እስራት ተቀጣች

በሻሸመኔ ከተማ ህወትን ዳንኤል የተባለች የቤት ሰራተኛ የነኦል ደመሰ የተባለውን የ6 ወር ህፃን ልጅ በማታፈን በመግደሏ በሻሸመኔ ከፍተኛ ፍርድ ቤት የ25 ዓመት ፅኑ እስራት ተፈርዶባታል። የወንጀል ድርጊቱ የተፈጸመው በሃሩፋ ክፍለ ከተማ ሃሌሉ ወረዳ ብርሃን በተባለ ቦታ ነው። ተከሳሿ ስልክ ስታወራ ህፃኑ ድምፅ እንዳያሰማ ልብስ አልጋ ላይ ጋርዳ አፍናው እንደሞተ ብትናገርም፣ የኢትዮ ቴሌኮም መረጃ በሰዓቱ የስልክ ጥሪ እንዳልነበረ አረጋግጧል። በተጨማሪም በሬሳ ምርመራ (ፎረንሲክ) ህፃኑ በመታፈን መሞቱ ተረጋግጦ ወንጀሏ በማስረጃ በመረጋገጡ ፍርዱ ተሰጥቷል።