Ikuwaadoritti lubni tokko yeroo sagantaa kadhannaa fannoo isaan irra kufeen du'an

Ikuwaador magaalaa Guwaayakiilitti lubni bataskanaa Kaatolikii tokko, yeroo sagantaa kadhannaa irratti turanitti Fannoo guddaan isaan irra kufeen du'aniiru. Abbaa Paatrishiyoo Alfreedoo Saancheez Molinaarii kan jedhaman lubni kun, ganna 53 yoo ta'an, bataskana Our Lady of Perpetual Help keessatti yeroo tajaajilaa turanitti balaan kun isaan mudate. Fannoon mukarraa hojjetame kun duubaan isaanitti kufe.

Balaan kun qaqqabuu isaa yeroo gabaabaa dura, lubichi waa'ee du'aa fi yeroo maatii wajjin dabarsuu irratti lallaba kenne ture. Fannoon sun maaliif akka socho'ee kufe ammayyuu hin beekamu. Lubichi battaluma sanatti du'uu isaanii bataskaanni mirkaneesseera. Phaaphaasiin magaalaa Guwaayakiil Kaardinaal Lu'iis Kaabreeraa lubichaaf kabajaafi kadhannaa taasisuun maatii isaanii jajjabeessaniiru.