በኢኳዶር በጸሎት ላይ የነበረ ካህናት በመስቀል ተመቶ ህይወቱ አለፈ

በኢኳዶር ጉዋያኪል ከተማ በሚገኝ ቤተክርስቲያን አንድ የካቶሊክ ካህን በጸሎት ላይ እያሉ በድንገት በወደቀባቸው ትልቅ የመስቀል ምስል ህይወታቸው አለፈ። አባ ፓትሪሺዮ አልፍሬዶ ሳንቼዝ ሞሊናሪ የተባሉት የ53 ዓመቱ ካህን በኦር ሌዲ ኦፍ ፐርፔቹዋል ሄልፕ ቤተክርስቲያን መደበኛ አገልግሎት እየሰጡ ሳለ ነው አደጋው የደረሰው። የመስቀሉ መውደቅ ምክንያት እስካሁን አልታወቀም።

አደጋው ከመድረሱ ጥቂት ቀደም ብሎ ካህኑ በሰበኩት ስብከት ስለ ሞት እና ጊዜን በአግባቡ ስለመጠቀም አስተምረው ነበር። የወደቀው መስቀል የኢየሱስ ምስል ያለበት ግዙፍ የእንጨት ስራ ሲሆን፣ ካህኑ በቦታው ህይወታቸው አልፏል። የቤተክርስቲያኑ አስተዳደር እና የአካባቢው ጳጳስ ካርዲናል ሉዊስ ካብሬራ ለቤተሰቦቻቸው እና ለምእመናን መጽናናትን ተመኝተዋል።