በቤንች ሸኮ ዞን የ23 ዓመቷ ወጣት በአሰቃቂ ሁኔታ ተገደለች

በደቡብ ምዕራብ ኢትዮጵያ በቤንች ሸኮ ዞን የ23 ዓመቷ ወጣት ማሳለች ካሺንቴ በገጀራ ታርዳ ተገደለች። ወጣቷ ከሁለት ቀን በኋላ ለምርቃት ዝግጅት እያደረገች ሳለ፣ ከዚህ ቀደም በግዳጅ ለጋብቻ የጠለፋትና በአካባቢው ሽምግልና ካሳ ከፍሎ ጉዳዩ እንዲዘጋ የተደረገበት ግለሰብ እንደገደላት ተገልጿል። የሴቶች መብት ተሟጋች ድርጅቶች እንደገለጹት፣ ተጠርጣሪው ቀደም ሲል ወጣቷን ጠልፎ በመውሰዱ በሕግ ቢጠየቅም፣ ሽምግልናው ካሳ እንዲከፍል በማድረግ ክሱ እንዲቋረጥ ተደርጓል። ይህም ተጠርጣሪው እንደ መብት እንዲቆጥረው በማድረጉ ለተከታታይ ማስፈራሪያና በመጨረሻም ለግድያ ዳርጎታል። የቤንች ሸኮ ዞን የፍትህ ቢሮ ተጠርጣሪው ፍቃዱ ግሺናር ለፍርድ መቅረቡን አረጋግጧል።