Mormituun mootummaa Ruwaandaa Yugaandaatti ajjeefame

Robert Kabera, saajinii olaanaa duraanii fi mormituu pireezidantii Ruwaandaa Pool Kaagaamee kan turan Yugaandaatti ajjeefamaniiru. Reeffi namicha ganna 50 kanaa mataan irraa muramee kan argame yoo tahu, dubbiihimaan poolisii Yugaandaa mataansaa amma iyyuu akka hin argamne ibseera. Kabera viidiyoowwan Youtube irratti namoota Kaagaamee qeequun beekamu; innis dhiibbaa siyaasaa irra gahuu sodaachuun Yugaandaatti koolugaltummaa gaafatee ture. Gareen mormituu RNC ajjeechaan kun sirnaan akka qoratamu gaafateera. Haati warraasaa jireenyasheef sodaachuu ishee ibsiteetti. Ajjeechaan kun nageenya mormitoota mootummaa Ruwaandaa biyya alaa jiraatan irratti gaaffii cimaa kaaseera. Bara 2014 hogganaan tikaa duraanii Paatriik Kaargeyaas Afrikaa Kibbaatti du'ee argamuun isaa ni yaadatama.