የአሜሪካ የውጭ ጉዳይ ሚኒስትር ማርኮ ሩቢዮ በኢትዮጵያ ወቅታዊ ጉዳይ ላይ አስተያየት ሰጡ

የአሜሪካ የውጭ ጉዳይ ሚኒስትር ማርኮ ሩቢዮ በቅርቡ በህወሓት ታጣቂዎች በአዲስ አበባ ላይ የተፈጸመውን የድሮን ጥቃት እንደ ሽብርተኛ ድርጊት አውግዘውታል። ሩቢዮ ይህን የተናገሩት የኢትዮጵያን የጸጥታ ስጋት እንደሚረዱ እና ማንም ሽብርተኝነትን እንደማይደግፍ ባሰመሩበት ወቅት ነው። የኢትዮጵያ መንግስት ለዚህ ጥቃት በሚሰጠው ምላሽ ሚዛናዊ እና ቀጣናዊ ጦርነትን በማያባብስ መንገድ እንዲሆን ምክር ሰጥተዋል። በተጨማሪም ኢትዮጵያ እና ኤርትራ በድንበር አካባቢ የሰራዊት እንቅስቃሴ ማድረጋቸው ተጨማሪ ግጭት እንዳይፈጠር ስጋት መፍጠሩን ገልጸዋል። የአሜሪካ መንግስት ከኤርትራ ጋር ያለውን ግንኙነት ማሻሻል መጀመሩን የገለጹት ሚኒስትሩ፣ በሁለቱ ሀገራት መካከል ያለውን አለመግባባት በድርድር ለመፍታት ዲፕሎማሲያዊ ጥረት እንደሚያስፈልግ አስገንዝበዋል። ሩቢዮ አለም አቀፉ ማህበረሰብ ሌላ ጦርነት እንደማይፈልግ በማስታወስ፣ ጉዳዩን በሰላማዊ መንገድ ለመፍታት እንደሚሰሩ አረጋግጠዋል።