ሚኒስትር ጉዳያት ወጻኢ ኣሜሪካ ማርኮ ሩቢዮ ኣብ ጉዳይ ኢትዮጵያ መግለጺ ሂቦም

ሚኒስትር ጉዳያት ወጻኢ ኣሜሪካ ማርኮ ሩቢዮ፡ ህወሓት ኣብ ኣዲስ ኣበባ ዝፈጸሞ መጥቃዕቲ ድሮን ከም ግብረ ሽበራ ገሊጾሞ። ሩቢዮ ኣብ ዝሃብዎ መግለጺ፡ መንግስቲ ኢትዮጵያ ዘለዎ ስግኣት ጸጥታ ከም ዝርድእዎ ክገልጹ ከለዉ፡ ማንም ግብረ ሽበራ ከም ዘይድግፍ ኣስሚሮምሉ። መንግስቲ ኢትዮጵያ ንመጥቃዕቲ ዝህቦ መልሲ ሚዛናዊን ኣብ ዞባዊ ኲናት ዘየብጽሕን ክኸውን ከም ዝግባእ ምኽሪ ሂቦም። ብተወሳኺ፡ ኢትዮጵያን ኤርትራን ኣብ ዶብ ሰራዊት ምውፋረን ኲናት ከስዕብ ከም ዝኽእል ስግኣቶም ገሊጾም። ኣሜሪካ ምስ ኤርትራ ዘለዋ ዝምድና ከም ዘመሓየሸ ዝገለጹ ሚኒስትር፡ ኣብ መንጎ ክልቲአን ሃገራት ዘሎ ምስሕሓብ ብዲፕሎማሲ ንምፍታሕ ከም ዝጽዕሩ ኣረጋጊጾም። ማርኮ ሩቢዮ ዓለም ካልእ ኲናት ከም ዘይደሊ ብምግላጽ፡ ንሰላም ንምስፋን ዘለዎም ተስፋ ኣንጸባሪቖም።