Qorataan aadaa fi seenaa Booranaa Dr Abdullaahii Shonqoloo du'aan boqotan

Qorataan aadaa, seenaa fi antiroopoolojii Booranaa Dr Abdullaahii Shonqoloo umrii isaanii 68tti addunyaarraa boqotan. Bara 1958 magaalaa Mooyaaleetti kan dhalatan hayyuun kun, barnoota isaanii biyya keessaa fi awurooppaatti hanga PhDtti hordofanii jiru. Ministeera Barnootaa Keeniyaa keessatti tajaajiluu isaanii fi biyya Swiidinitti qorannoo gaggeessaa turuu isaanii seenaan ni ibsa. Dr Abdullaahiin kitaabolee waa'ee aadaa, afaan, siyaasaa fi amantii Booranaa irratti hedduu barreessaniiru. Dhaloota dhufuuf aadaa Booranaa tursiisuuf Giddugala Hambaa Aadaa Raabaa Gadaa Booranaa ijaaruus eegalanii turan. Mootummaa Keeniyaarraa beekkamtii kan argatan Dr Abdullaahiin, guyyaa Goototaa Keeniyaa kabajatame sana boqotan.