ተመራማሪ ባህልን ታሪክን ቦረና ዶክተር አብዱላሂ ሾንቆሎ ዓረፉ

ተመራማሪ ባህል፣ ታሪክን አንትሮፖሎጂን ቦረና ዶክተር አብዱላሂ ሾንቆሎ ኣብ ዕድመ 68 ዓመቶም ዓሪፎም። ብ1958 ኣብ ሞያሌ ዝተወለዱ ዶክተር አብዱላሂ፡ ኣብ ኢትዮጵያን ወጻኢ ሃገራትን ላዕለዋይ ትምህርቶም ዝወድኡ ምሁር እዮም። ኣብ ሚኒስትሪ ትምህርቲ ኬንያ ብዝተፈላለየ ሓላፍነት ዘገልገሉ ኮይኖም፡ ኣብ ሽወደንን ካልኦት ሃገራት ኣውሮጳን ኣብ ስራሕ ምርምር ተዋፊሮም ጸኒሖም እዮም። ብዛዕባ ባህሊ፣ ቋንቋን ታሪክን ኦሮሞ ብዙሓት መጽሓፍቲ ዘበርከቱ ኮይኖም፡ ባህሊ ቦረና ንመጻኢ ወለዶ ንምስግጋር ኣብ ንያንዩኪ ማእከል ባህሊ ክሃንጹ ጸኒሖም እዮም። ኣብቲ ኬንያ መዓልቲ ጀጋኑ እተኽብረሉ እዋን ዝዓረፉ ዶክተር አብዱላሂ፡ ብናይ ምርምር ስራሖም ካብ መንግስቲ ኬንያ እውቅና ረኺቦም ነይሮም እዮም።